Սեպտեմբերի 21-ի՝ Հայաստանի Անկախության օրվա առիթով Agropress-ը ներկայացնում է գյուղատնտեսության ոլորտին ուղղված երեք նոր գործիք՝ գյուղատնտեսական ապահովագրության հաշվիչ, գյուղվարկերի առաջարկների բաժին և գյուղմթերքի միջին գների ցուցիչ։
Նպատակը մեկն է՝ ֆերմերին անհրաժեշտ տեղեկատվությունը ներկայացնել մեկ հարթակում և հնարավորինս պարզ ձևով։
Ապահովագրություն
Նոր գործիքը թույլ է տալիս ընտրել մշակաբույսը, մարզը, բնակավայրը, ապահովագրվող ռիսկը և հողատարածքի չափը։ Համակարգը բնակավայրի հիման վրա որոշում է ռիսկային գոտին և կատարում նախնական հաշվարկ։ 2026 թվականի ծրագրով պետությունը ապահովագրավճարի 40–60%-ն է սուբսիդավորում՝ կախված մշակաբույսից և ռիսկից։
Գյուղվարկեր
Agropress-ի գյուղվարկերի բաժնում մեկ տեղում հավաքվում են բանկերի և վարկային կազմակերպությունների գյուղատնտեսական վարկային առաջարկները՝ տոկոսադրույքներով, վարկի չափով և ժամկետներով։ Տեղեկատվությունը նախատեսվում է պարբերաբար վերահսկել և թարմացնել՝ պաշտոնական աղբյուրների հիման վրա։ Գյուղատնտեսական վարկերի պետական սուբսիդավորման ծրագրերը 2026–2027 թվականներին շարունակում են գործել։
Գյուղմթերքի միջին գներ
Երրորդ գործիքը հնարավորություն է տալիս հետևել գյուղմթերքի շուկայական գներին և դրանց փոփոխությանը։ Agropress-ի օգտագործած տվյալների աղբյուրներից մեկը Համաշխարհային բանկի Armenia Monthly Food Price Estimates տվյալների բազան է, որը ներառում է Հայաստանի 13 շուկաների և տարբեր սննդամթերքների ամսական գնային տվյալներ։ Տվյալների վերջին հասանելի տարբերակը՝ 2026 թվականի օգոստոսի դրությամբ, թարմացվել է օգոստոսի 24-ին։
Ապահովագրություն, վարկեր և գներ՝ երեք գործիք, որոնք Agropress-ը միավորում է մեկ հարթակում՝ գյուղատնտեսությամբ զբաղվողների համար տեղեկատվությունը ավելի հասանելի և կիրառելի դարձնելու նպատակով։
Անկախության օրվա առիթով Agropress-ը շարունակում է զարգացնել գյուղատնտեսական տեղեկատվական հարթակը՝ ֆերմերից մինչև շուկա։